މިދިޔަ އަހަރުގެ އެޕްރިލް 27 ވަނަ ދުވަހުގެ ރޭ އައި،ޑީ،ޕީގެ ރިޔާސީ ކެންޑިޑޭޓް ޢުމަރު ނަސީރު ނެރުއްވި12 ނުކުތާގެ މައްޗަށް ހިމެނޭ، ޕާޓީގެ ރިޔާސީ މެނިފެސްޓޯ އަށް ރާއްޖޭގެ އެކި ކަންކޮޅުން ދަނީ ވަރަށް ބޮޑު ތަރުހީބެއް ލިބެމުންނެވެ. ޓީވީ މޯލްޑިވްސް އާއި ދިވެހިރާއްޖޭގެ އަޑުން ފޮނުއްވަމުން ގެންދަވާ 'ސިޔާސީ ފެންޑާ' ގައި އައި،ޑީ،ޕީ އަށް ލިބޭ ވަގުތުގައި މުޅިންވެސް ގެނެސްދެވެނީ އައި،ޑީ،ޕީގެ ވެރިކަމެއްގައި ރާއްޖޭގެ ކަންކަން ބައްޓަން ވެގެންދާނެ ގޮތާބެހޭ މަޢުލޫމާތެވެ. އަދި އެއްވެސް ބޭފުޅެއްގެ އެއްވެސް ޚިޔާލެއް އޮތްނަމަ ސީދާ ޢުމަރު ނަސީރު އަށް އެސުވާލެއް އެސް،އެމް،އެސް ގެ ޒަރިއްޔާއިން ފޮނުވޭ ގޮތަށްވެސް ވަނީ ހަމަޖެހިފާކަމުން ވަރަށް ގިނަބޭފުޅުން ގެންދަވަނީ އެސް،އެމް،އެސް ގެ ޒަރިއްޔާއިން ސިޔާސަތުތަކަށް ތާއީދު ކުރައްވާ ކަމުގެ މެސެޖް ތައް ޢުމަރު ނަސީރު އަށް ފޮނުވަމުން ނެވެ. އުމަރު ނަސީރުއަށް އެސް،އެމް،އެސް ފޮނުވޭ ނަމްބަރަކީ 7866666 އެވެ. އަދި މި ނަމްބަރަށް ފޮނުވާ އެސް،އެމް،އެސް ތަކަށް ޢުމަރު ނަސީރު ރާއްޖޭގައި އުޅުއްވާ ނަމަ 24 ގަޑިއިރުގެ ތެރޭގައި ގެންދަވަނީ ޖަވާބު ދެއްވަމުންނެވެ.

01 އޮގަސްޓް 2008

މިރޭ ( 2008 ޖުލައި 6 ވަނަ ދުވަހުގެ ރޭ 21.00 ން 22.00 އަށް ) ދިވެހި ރާއްޖޭގެ އަމިއްލަ ރޭޑިޔޯ ސްޓޭޝަނެއް ކަމަށްވާ ރޭޑިޔޯ އެޓޮލް 96 އެފް އެމް ގައި އިސްލާމިކް ޑިމޮކްރެޓިކް ޕާޓީގެ ފަރާތުން ލައިވް ކޮށް އެހުން ތެރިންނަށް މަޢުލޫމާތު ދެއްވާ ގޮތަށް ހަމަ ޖެހިފައި ވެއެވެ. މިގޮތުން މިޕާޓީގެ މި ލައިވް ޕޮރޮގްރާމްގައި ވާހަކަ ފުޅު ދައްކަވާނީ މިޕާޓީގެ އުތުރު ސަރަޙައްދު 2 ގެ ރައީސް އަލްފާޟިލް ޙުސައިން ޒަހީން އާއި، މިޕާޓީގެ ޤައުމީ މަޖްލިސްގެ މެމްބަރު އަލްފާޟިލް އަޙްމަދު ފިރުޝާން އެވެ. މިބޭފުޅުން މަޢުލޫމާތު ދެއްވާގޮތަށް ހަމަ ޖެހިފައިވަނީ ލޯކަލް ގަވަރމެންޓާ ބެހޭ ގޮތުންނެވެ. މިގޮތުން އެހުން ތެރިން ކުރައްވާ ސުވާލު ތަކަށް ވަގުތުން ޖަވާބު ދެއްވާނެ އެވެ. މިޕޮރޮގްރާމްގައި މިބޭފުޅުންނާ ގުޅުއްވޭނެ ނަންބަރަކީ 3349696 އަދި 3349600 އެވެ.

06 ޖުލައި 2008